Dalaga na din sya?

Tatlo kaming magkakapatid, puro kami babae (tres marias nga tawag sa amin eh). Medyo malalayo ang age gap namin. Ako ang panganay at 5years ang tanda ko sa pangalawa, yung pangalawa naman eh 10years ang tanda sa bunso. (kung bakit malalayo ang age namin, eh sa kadahilanang seaman ang papa namin :D).

Paano nga ba malalaman kung dalaga na ang isang babae?... diba kapag nagkaroon na sya ng monthly period?

Nagkaroon ako ng buwanang dalaw noong ako ay nasa grade6 (12 years old ako noon), yung sumunod naman sa akin eh nagkaroon noong grade5 sya (11 years old sya noon), ngayon naman yung bunso namin eh meron na din sya, grade4 lang sya ngayon (9 years old pa lang sya at sa october pa sya mag te ten years old).


yan ang bunso namin kasama si mama:D

Malaking bulas ang bunso namin, sa age nya ngayon na 9 years old eh 5'2" na ang height nya. Halos lahat ng mga kalaro nya eh naiwan na nya sa paglaki, lagi din syang nasa likod sa pila sa school dahil nga matangkad sya at sa class picture naman eh lagi syang nasa gitna. Madalas nga syang pagkamalang 12years old na eh :D.


yung naka white eh yung pangalawa at yung naka orange eh yung bunso :D

Ngayong "meron" na sya. Parang hindi pa rin namin masabing dalaga na nga din sya kase parang masyado pa syang bata, baby pa nga sya eh. Mahilig pa din sya maglaro... kahit matangkad sya eh hindi mo iisiping dalaga na nga sya dahil sobrang bata pa nya kumilos. Siguro onti onti eh hindi na lang namin mamalayan na dalaga na nga ang bunso namin. Pwede ko pa rin kaya syang utusan kapag naisip nyang dalaga na sya? =)

Nga pala isa sa kinakatakot namin eh baka biglang huminto ang pagtangkad nya, sana wag naman... kase gusto namin eh maging mas matangkad pa sya sakin (5'8" ang height ko :D). kaya kahit ayaw nyang uminon ng gatas sa gabi eh pinipilit na namin sya ... para lang hindi tumigil ang pagtaas nya. hahaha

hay! bilis ng panahon noh? :)